Loblied up de Helpers
anne Olle Mölle

(Von Mechtild Benson, Groß Reken)

Willi Kolancyk. häv hier werkeln doon,
bat voriges Johr, so um düsse Tied he is efach gohn,
leet  hier anne Mölle efach alles liggen un stohn.

Benrd Hensel segg: ,,Norbert, du has ok met äm Möllenführung doon,
lot du doch no äs een Oge övern Möllenberg gohn."

Norbert kümp no Hus hen met de langen Beene
un segg; ,,Dat kann ick aber nich ganz allene."

Un Friedach un Soterdach ratz fatz,
gov et all dört Borkske Blättken ne ersten Arbeitseinsatz.

Flietige Hölper ut'n Heimatverein
leten sik no manch Arbeit „andreihn".

As erstes worre ne nye Schautafel anbracht.
Beton läwem gratis Heina Löchtermann.

De Heinzen Niehüsener un Bernemann de möken dor en nettet Hüsken van,
un dann denn Heinz Eversmann, de mook den blanken Kopper dran.

Ny strecken worn Pütt un de Pump,
alle Hölper so flietig bes to de 11. Stund.
Denn 11:00 Uhr Zug worre nich vergaten,
un Middags broch Bernadette dann ok Äten.

Midde Juli worre ne Hubsteiger anne Mölle bracht.
Herbert Messing un Terlaus Karl innen Hubsteigerkast,
de hebbt dor 70 nye Birnen anne Möllenflögel anbracht, un tot Schützenfest strahlen de Mölle in vuller Pracht.
Schützenkönning Bertold frog int Zelt: ,,Hebb ih de Mölle extro för mi erhellt?"

Enes Dags Helming Ludger reep an,
of de Mölle noch ne ollen Ledderwagen bruken kann.
De Hölpers Terlau, Eiling, Röttgers un Bernemann
de bröchen dat olle Schätzken wär up Vordermann. Leising Heini met'n Trecker bestellt,
un se hebbt den Wagen up 'n Möllenberg gestellt.

Jupp Schulz all ganz parat,
de häv dat Wägelken aufgestrahlt.
Den Wagen worre strecken van bomn un van unnen,
he steht no vor de Remise un is vör good befunden.

Un dat denn Wagen nich steht so allene,
gov et noch ne Städtkoor van Bruns van Maria Veene.
Hier Walter Hülsermann, in Verein ne nyen Mann,
häv zeigt, dat he ook good afstrahlen kann.

Dann hebbt de Hölpers sick dat Backhus besehn,
et broch nyet Holt, ne Anstrich un Ewald Döking un Regenits Bernhard de muren nye Been.
Bie Jupp Üllenberg inne Schoppe stünnen Sandsteenstufen,
de können de Mannslöh dorför good gebruken.

Un Middags dann schmok dat Äten.
Bernadette häv de flietigen Hölper nich vergäten.

In September wär ne nyen Insatz, dor kam en Gerüst van Looks Bernhard.
De Museschoppe, de Remise et wot alles repariert un gestrecken,
jo se setten wahrlick in alle Ecken.

Un 15 Mann de häden dann ok Schmacht,
un Bernadette wär anne Mannslöh gedacht.

Dann forts inne andere Weeke, ih sölln't es hem sehn,
was de Hölperschar wer dor, se fündet dat schön.

Enen Soterdach, Ih könnt et mi glöwen, dor kämen glatt 6 Schreiner bineehne. (Alois Regenit, Werner Döking, Heini Röhling, Heinz Niehüsener, Heini Bernemann un Jupp Fragemann)

Alle Geräte vanne Museschoppe bepinselt un war angebracht,
un se häbt ok äar an den 11:00 Uhr Zug gedacht.

Steene wören verschowen, Dack repariert,
nye Gäwel geschreinert, Betonsockel entfemt.

De Gemeinde dat Gräss proper hölt ohne Neid,
doch inne Höke Heinrich Wenk-Kreulich de Ecken nomaid.

Denn Franz Kinzer denn hat et met de Schusterei,
Rainer Niewerth met de Belöchterei,
un üm dat Bienenschur so proper und fein,
dor könn es ih Konnigers Jupp beseihn.

Boomwotteln wegmaken, ne 20 m nyen Tuhn, Randsteene setten, pflastem un Schredderholt verstreun,
nix konn de Hölpers vergräun.

Un sogar de Schleieruhlen undert Dack
de worre ne nyen Nistkasten angebracht.

Fast härre ick Drosten Hannes vergäten,
de häv so manch Stunden säten.
Kästkes un Schilder häv he schnitzt,
un inne Ecken häv he noch Katte un Müsken inneritzt. 

Un inne Mölle dor gow et nye Kissen,
dat de Hochtieter un denn Fremdenverkehr good kann sitten. 

De Burenstowwe kregg nye Gardine,
ny Overberre, gestiftet van Leisings Therese.
Ok den Berrekasten kregg en nyet Kleed,
un de Babyweege ok wär good utseht. 

Elsbeth Telaar häv mi good holpen biet naien,
un ih söllt uh ok en bettken dran freun.   

Dat de Mölle ok strahlen van binnen dann,
dor stünden de Fraulöh öhren Mann.
Jo, ok se wären ganz flietige Löh,
un Bernadette danken ör up Hartmanns Höh.   

Wat dat alles anne Mölle häv kost, dor müt ih nich no frogen,
dat dä alle Rudi Röttgers besorgen.   

No is de Mölle wär proper un fien
un Willi de häv dat alles van bowen sehn,
he röpp Petrus un alle Engelkes bineehn
un segg: ,,Is ussen Möllnberg in Reken nich schön?"   

Jo, un Hermann Illerhues segg in een old Gedicht:
,,Löh vergätet usse Olle Mölle nicht."   

Ih lieben Hölper ut'n Heimatverein wie willt hoffen, dat ät wieder so geiht,
un dat uhn Werk noch lange besteiht,
dat Kinder un Groten nett äs bisher
denn Möllnberg besökt met SpaB un Plesär.   

Alle Helper hier namentlich uptotelln dat wot mit te vull,
pat se krechen alle en Dankeschön un enen ut de Pull.   

Nach oben